Бугунги таомномада — олма ва қуруқ мевалар билан пиширилган товуқ
Зарур масаллиқлар:
- 1 та товуқ
- 100 г майонез
- 10 г хантал (горчица)
- 200 г олма
- 100 г туршак
- 100 г олхўри қоқи
- туз
- мурч
- 10 г кашнич
- 100 г ўсимлик ёғи
- 1 метр пергамент қоғози
Тайёрланиши:
1. Бутун товуқни олиб, устига 100 г майонез қуямиз.
2. Таъбга кўра туз ва мурч сепамиз.
3. 15 г кашнич соламиз.
4. Устига 10 г хантални қўшамиз.
5. Сўнг 100 г ўсимлик ёғини соламиз.
6. Ва барчасини товуқнинг устига суртиб чиқамиз.
7. Товуқни маринадлаш учун ушбу ҳолида кечаси билан совитгичда қолдирамиз.
8. Иккинчи куни уни олиб, пишириш учун тайёрлаймиз. Бунинг учун аввал 200 г олмани пўстидан тозалаб, ўртача катталикдаги бўлакларга бўламиз.
9. Уни 100 граммдан туршак ва олхўри қоқи билан биргаликда товуқнинг ичига соламиз.
10. Сўнг товуқни ип билан ўраб чиқамиз.
11. Ва 1 метрлик пергамент қоғозига ўраймиз.
12. Товуқни 220 даражагача қиздирилган духовкада 30 дақиқа давомида пиширамиз. 30 дақиқадан сўнг товуқни пергамент қоғозидан чиқариб, юзаси қизариши учун яна 15 дақиқа духовкада қолдирамиз.
13. Усти қизариб пишгач, товуқни духовкадан олиб, ликопга соламиз ва дидимизга қараб безатамиз.
Таом тайёр. Ёқимли иштаҳа!
Ушбу таомни тайёрлашда фойдаланилган маҳсулотларни Korzinka.uz супермаркетларидан харид қилишингиз мумкин.
Уларнинг нархлари билан қуйидаги жадвалда танишишингиз мумкин. Нархлар 8 декабрь ҳолатига келтирилган.
Рукн ҳомийси — Korzinka.uz супермаркетлар тармоғи.
Таомни тайёрлашда берган кўмаги учун Тошкентдаги RomAntica ресторани ва шахсан бош ошпаз Шуҳрат Исломовга миннатдорчилик билдирамиз.
Рукнимизнинг кейинги сонларида ошқовоқ ва брокколили ростбиф ҳамда сельдь балиғи билан «Шуба» салатини тайёрлаймиз.
Изоҳ (0)