Пицца шинавандалари учун ажойиб янгилик — қуйида таклиф этилаётган рецепт асосида сиз ўзингиз оддий това ёрдамида пицца пиширишингиз мумкин!
Бунинг учун бизга қуйидаги масаллиқлар керак бўлади:
- 9 ош қошиқ ун;
- 4 ош қошиқ сметана ёки кефир;
- 4 ош қошиқ майонез;
- 2 та тухум;
- сирка томчиси ўлдирилган 1 чимдим сода;
- пишлоқ;
- таъбга кўра, ичига ҳар нарса солиш мумкин.
Қандай тайёрланади?
Аввал майонез ва кефир/сметана, ун ва тухумларни аралаштириб, содани қўшиб, суюқ хамир тайёрлаб оламиз. Сўнг хамирни ёғ суртилган товага соламиз.Пиццанинг ичига солиш учун мўлжалланган масаллиқларни майдалаб тўғраб, уни хамир устига қўйиб чиқамиз, устидан қирғичдан ўктазилган пишлоқни сепамиз.
Това устини ёпиб, 15 дақиқа пиширсак, бас — мазали пицца тайёр!
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)