Россия тергов қўмитаси иқтисодий ривожланиш вазири Алексей Улюкаевга нисбатан жиноий иш қўзғади. Вазир қўлга олинган, тезкор тергов ҳаракатлари олиб борилмоқда. Бу ҳақда TJournal хабар бермоқда.
Яқин орада тергов томонидан вазирга айблов эълон қилиниши ва эҳтиёт чораси қўлланиши режалаштирилмоқда. Қўмитага кўра, «Улюкаевга пуллар куч тизимлари ходимлари назорати остидаги тергов эксперименти чоғида берилган». «Роснефть» компанияси раҳбариятига қўмитанинг эътирози йўқ.
Россия президентининг матбуот котиби Дмитрий Песков вазир қўлга олингани ҳақида Путинга ҳисобот берилгани ёки йўқлигидан хабардор эмаслигини маълум қилди. Иқтисодий ривожланиш вазирлиги ҳозирча мазкур вазиятга изоҳ бермади.
«РИА Новости» манбасига кўра, Алексей Улюкаев бир йилдан ошиқ вақтдан бери Федерал хавфсизлик хизматининг оператив кузатуви остида бўлган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)