Россия президенти Владимир Путин АҚШнинг янги сайланган президенти Дональд Трамп билан телефон орқали суҳбатлашди, деб ёзади «Газета.ru» Кремль сайтига таяниб.
Путин Трампга сайловолди дастурини амалга оширишда муваффақиятлар тилади ва янги маъмурият билан «тенглик, ўзаро ҳурмат ва бир-бирининг ички ишларига аралашмаслик тамойиллари асосида» ҳамкорлик алоқаларини йўлга қўйишга шайликни қайд этди.
Таъкидланишича, суҳбат чоғида Путин ва Трамп Россия ва АҚШнинг ҳозирги муносабатларини «ўта қониқарсиз ҳолатда» деб топган.
Улар, шунингдек, икки мамлакат алоқаларини нормаллаштириш бўйича фаол ҳамкорликдаги ишлар фойдасига фикр билдирди.
Путин ва Трамп алоқаларни телефон орқали давом эттиришга, келажакда эса шахсан учрашишга келишиб олди.
Изоҳ (0)