АҚШнинг янги сайланган президенти Дональд Трамп ўз президентлигининг илк босқичида ИШИД террорчилик гуруҳини йўқ қилишга ташқи сиёсат соҳасидаги бирламчи вазифаларидан бири сифатида киришади. Бу ҳақда Трампнинг асосий маслаҳатчиларидан бири, Нью-Йорк собиқ мэри Рудольф Жулиани маълум қилди, деб ёзади «ТАСС».
Шунингдек, Жулиани Яқин Шарқ ва дунёнинг бошқа минтақаларига алоқадор масалаларни ҳал қилишни республикачи илк босқичда кейинга қолдиришини айтиб ўтди.
«ИШИД қисқа муддатли истиқболда энг катта хавфни туғдиради, бу ИШИД Ироқ ва Сурияда фаолият юритгани учун эмас, балки ИШИД ‘Ал-Қоида’ эриша олмаган нарсага — бутун дунёга тарқалишга муваффақ бўлгани учундир», — дея таъкидлади Жулиани.
Бундан ташқари, Жулиани Америка қўшинларининг 2003 йилда Ироққа бостириб борганини танқид қилди ва буни АҚШнинг «энг катта ташқи сиёсий хатоларидан бири» деб атади.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)