Жиззах шаҳрида сониясига 24 метр тезликдаги шамоллар кузатилди

Ўзбекистонда 13 ноябрь куни кундузи ва 14 ноябрга ўтар кечаси ёғингарчилик кузатилмади. Бу ҳақда «Ўзгидромет» маркази хабар бермоқда.

Самарқанд, Жиззах вилоятларида шамолнинг тезлиги сониясига 15—20 метргача кучайди. Хусусан, Жиззах шаҳрида шамол тезлиги сониясига 24 метргача етди.

13 ноябрь куни кундузи Ўзбекистоннинг йирик шаҳарлари ва вилоят марказлари ҳаво ҳароратининг энг юқори кўрсаткичи қуйидагича бўлди: Нукусда +14 даража, Урганч, Навоийда +15 даража, Бухорода +16 даража, Андижон, Наманган, Фарғонада +17 даража, Самарқанд, Қаршида +18 даража, Термизда +19 даража, Тошкент, Жиззахда +20 даража, Гулистонда +22 даража илиқ.

14 ноябрга ўтар кечаси Ўзбекистоннинг йирик шаҳарлари ва вилоят марказлари ҳаво ҳароратининг энг паст кўрсаткичи қуйидагича бўлди: Бухоро, Жиззахда +2 даража, Нукус, Урганч, Гулистонда +3 даража, Тошкент, Навоий, Самарқанд, Термиз, Фарғонада +4 даража, Қарши, Наманганда +5 даража, Андижонда +6 даража илиқ.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.