Ким Чен Ин Корея халқ армиясининг Сариқ денгизда жойлашган Кали ва Чжанчже кичик оролларидаги гарнизонларини кўздан кечирди, дея хабар бермоқда «ТАСС» Корея Марказий телеграф агентлигига таяниб. Корея Меҳнат партияси ва КХДР Давлат кенгаши раиси жанговар позицияларни кўздан кечирди ва ҳарбий хизматчиларнинг маиший шароитлари билан танишди.
Душман кучларининг жойлашуви ҳақидаги маърузани тинглаб, мамлакат қуролли кучларини маршал унвони билан бошқарувчи Ким Чен Ин «у ерда жойлашган қисмларнинг жанговар шайлигини барча йўллар билан ошириш»ни буюрди.
КМТА маълумотларига кўра, у «Жанубий Корея томонидан энг кичик провокация кузатилган тақдирда ҳам, унинг армияси томонидан назорат қилинадиган Ёнпхёндо оролидаги душман позицияларига артиллерия зарбаси бериш режасини маъқуллади».
Изоҳ (0)