Kim Chen In Sariq dengizdagi orollarda joylashgan garnizonlarning jangovar shayligini tekshirdi

Kim Chen In Koreya xalq armiyasining Sariq dengizda joylashgan Kali va Chjanchje kichik orollaridagi garnizonlarini ko‘zdan kechirdi, deya xabar bermoqda “TASS” Koreya Markaziy telegraf agentligiga tayanib. Koreya Mehnat partiyasi va KXDR Davlat kengashi raisi jangovar pozitsiyalarni ko‘zdan kechirdi va harbiy xizmatchilarning maishiy sharoitlari bilan tanishdi.

Dushman kuchlarining joylashuvi haqidagi ma’ruzani tinglab, mamlakat qurolli kuchlarini marshal unvoni bilan boshqaruvchi Kim Chen In “u yerda joylashgan qismlarning jangovar shayligini barcha yo‘llar bilan oshirish”ni buyurdi.

KMTA ma’lumotlariga ko‘ra, u “Janubiy Koreya tomonidan eng kichik provokatsiya kuzatilgan taqdirda ham, uning armiyasi tomonidan nazorat qilinadigan Yonpxyondo orolidagi dushman pozitsiyalariga artilleriya zarbasi berish rejasini ma’qulladi”.