Ўртача мавсумий ҳароратларнинг кўтарилиши безгак, иссиқ уриши ва тропик касалликларнинг тарқалиши туфайли, 250 мингга яқин кишининг қўшимча ўлим ҳолларига олиб келиши мумкин. Бундай кўрсаткичларни БМТнинг Иқлим конференциясида ялпи мажлис иштирокчилари айтиб ўтди, деб ёзади «ТАСС».
«Ўртача мавсумий ҳароратларнинг кўтарилиши баъзи минтақаларда қурғоқчиликларга, бошқаларида музликларнинг эришига, музлаб қолишга ва сув тошқинларига сабабчи бўлади… Рекорд даражадаги ҳароратлар, саломатлик билан боғлиқ вазиятнинг ёмонлашуви, сув сифатининг пасайиши, чивинлар олиб келадиган тропик касалликларнинг тарқалиши, шунингдек, аввал учрамаган вируслар ва тропик касалликларнинг пайдо бўлиши туфайли, 250 мингга яқин ўлимлар ва қурбонлар бўлиши прогноз қилинмоқда», — дейилади Никарагуа вакиллари маърузасида.
Маърузага кўра, бунда гап 2030 ва 2050 йиллар оралиғидаги давр ҳақида бормоқда.
Шу муносабат билан делегатлар Киото протоколига киритилган Доҳа тузатишларини зудлик билан бажаришга ва иқлим илиқлашувининг Цельсий бўйича 1,5 даража билан чекланишини таъминлашга чақирди.
Изоҳ (0)