2011 йилда Оқ уйдаги зиёфатда АҚШ президенти Барак Обама ва қизиқчи Сет Майерс Дональд Трампнинг эҳтимолий сиёсий амбициялари устидан кулган эди, деб ёзади TJournal.
Business Insider эълон қилган видеолавҳада Майерс сўзга чиқиб, бизнесменнинг президент бўлиш истаги ҳақидаги янгиликларга ишонмаганини айтади. Шунингдек, миллиардернинг соч турмагини масхара қилади.
Залда ўтирган Трамп унинг нутқини зўрма-зўраки юз ифодаси билан тинглаган.
Майерсдан сўнг Обаманинг ўзи нутқ сўзлаб, Трампга фитна назариясини рад этгани учун миннатдорлик билдирган. Кейин эса у Трамп АҚШ президенти бўлса, Оқ уйни казинога айлантириб юборган бўларди, дея тахмин қилган.