Футбол бўйича Европа Чемпионлар Лигаси ярим финалининг дастлабки ўйинида “Бавария” ва “Реал” жамоалари 30 апрель, сешанба куни ўзаро тўқнаш келди.
“Реал Мадрид” ҳужумчиси Винисиус Жуниор Аллианс Аренада бўлиб ўтган учрашувда (2:2) Мюнхен клуби дарвозасига иккита гол уришга эришди.
24-дақиқада Тони Крооснинг қойилмақом узатмасидан сўнг ҳисобни очган ҳужумчи учрашув сўнггида пенальтидан гол уриб жамоасини мағлубиятдан қутқариб қолди.
“У ҳар сафар тўпга тегинганда хавфли вазият юзага келди ва биринчи голни уриш учун яхши ҳудудга очилди. Танаффусдан сўнг унинг узатмаси Родригони жарима майдончаси ичида топди ва айнан шу ҳужум пенальтига сабаб бўлди. Винисиусдан ажойиб ўйин”, — деди УЕФА техник кузатувчилар гуруҳи.
Жавоб ўйини бир ҳафтадан сўнг, 8 май куни Мадридда бўлиб ўтади.
Изоҳ (0)