Қисқалик — истеъдод белгиси. Бу айниқса бадиий адабиётда яққол сезилади. Қисқа, ихчам иборалар билан мазмунли, таъсирли, қизиқарли асар яратиш учун ижодкордан катта меҳнат, юксак истеъдод ва маҳорат талаб этилади.
Машҳур ёзувчи Эрнест Хемингуэй ҳар қандай инсонни таъсирлантирадиган, ўзи атиги олти сўздан иборат ҳикоя ёза олишдан баҳс бойлашиб, ютиб чиққани ҳақида кўпчилик ўқиган ёки эшитган бўлса керак. Унинг ҳикояси қуйидагича эди:
“Болалар поябзали сотилади. Кийилмаган...” (Ҳикоянинг асл матни: “For sale: baby shoes, never used”).
“Дарё” интернет нашри юртдошларимиз орасида китобхонликка қизиқишни ошириш, истеъдодли инсонларга ўз маҳоратини синовдан ўтказиш учун имконият тақдим қилиш мақсадида, қисқа ҳикоялар танловини эълон қилади.
Танловда ёши ва жинсидан қатъи назар, барча хоҳловчилар иштирок этиши мумкин.
Шартлар қуйидагича:
- Ҳикоялар ҳажми 55 та сўздан ошмаслиги керак;
- Ҳикоянинг сарлавҳаси бўлиши шарт, шунингдек, мазмунан тугалланган бўлиши лозим;
- Ҳикоя муаллифининг исми-фамилияси ва қайси ҳудуддан экани тўлиқ ёзилиши керак.
Ҳикоялар исталган жанрда ёзилиши мумкин. Ўз ижод намуналарингизни @daryo_hikoyalar_bot орқали жўнатинг.
Танлов 30 май санасига қадар давом этади. Таҳририятга юбориладиган энг сара ҳикоялар ҳафта давомида эълон қилиб борилади. Танлов сўнггида таҳририят томонидан танлаб олинган ҳикоялар овозга қўйилади ва сайт обуначилари томонидан энг кўп овоз тўплаган ҳикоя муаллифлари ғолиб деб топилади.
Ғолибларга “Дарё” интернет нашрининг ҳамкори бўлган Асахий интернет дўкони томонидан тақдим қилинган совғалар топширилади.
1-ўринга — 30 та китоб
2-ўринга — 20 та китоб
3-ўринга — 10 та китоб
Асахий интернет дўконида сотувда бўлган китоблар билан қуйидаги ҳавола орқали танишиш мумкин.
Илҳом парисини ишга солиб, ўз имкониятингизни синаб кўринг!
Изоҳ (0)