2024 йилнинг 25—28 апрель кунлари Тошкентдаги CAEx Uzbekistan кўргазма мажмуасида барча кўчмас мулк объектлари жамланди. Ишлаб чиқарувчилар, дизайнерлар, шунингдек, бир ҳудудда кўчмас мулк сотиб олишга қизиққан одамлар CAEx Bizning Uylar халқаро кўргазмасида турар жой ва тижорат кўчмас мулки учун шартномалар тузмоқда.
Ўзбекистонда уй сотиб олиш! Бунинг учун оддий ишчи биринчи навбатда бошланғич тўловга пул тўплайди, кейин эса камида умрининг йигирма йилини юқори ставкали тўловни тўлашга сарфлайди.Яна у бу жараёнга етиб боргунча ўз пулларини баъзи қаллоб қурувчи компаниялардан ҳам сақлаши ва имкон қадар арзонроқ фоизли кредит шартномаларни қидириб топиши ҳам керак.
Чиндан ҳам Ўзбекистонда ҳаммаси шундайми?
Дарё жамоаси юқорида тилга олинган кўргазмани тасвирга олиш учун борди ва у ерда мана шундай оғриқли саволларга жавоб топса бўладиган замонавий уй жой бозори, ундаги янги трендлар ҳақида ўрганди.
Энг ижобий жавоблардан бири, уй сотиб олиш учун кредит тўловининг паст фоиздаги ставкаси бўлди.
“Эффектли 8,5 фоиз” ставкаси
Stable Home компанияси кўчмас мулк кредитлари билан шуғулланади. Яъни у миллий банклар билан ҳамкорликда уй жой кредитни ажратишга ёрдам беради. Компания ходимасининг айтишича жисмоний шахслар 10 йил муддатга 3 млрд сўмгача кредит олишлари мумкин.
Эффектив ставкамиз йилига 8,5 фоизни ташкил қилади. Уй жой бўйича бизда чекловлар йўқ, мижозлар уйни бирламчи ёки иккиламчи бозордан харид қилишлари мумкин. Булар — квартира, ҳовли, дала ҳовли ёки котеж уйларни ўз ичига олади. Оддий қилиб айтганда, биз мижозларимизни кредит олиш муддатини тезлаштириб ва қисқартириб берамиз. Кредитгача бўлган ҳужжатлар ҳақида маълумот ва уларни расмийлаштиришда кўмаклашамиз.
“Қаллоб қурувчилар”дан ҳимоя хизмати борлигини билармидингиз?
Кўргазмада турлича замонавий “Cитй”лар ва “recidence”лар ўз таклифларини тақдим этишди. Лойиҳалар пухта ўйланган режалар асосида қурилаётгани, ишонч ҳақида гапирилар экан охирги пайтларда замонавий уй қурилишлари ҳақида етарлича билими бўлмаган одамлар “қаллоб қурувчилар” қўлига тушиб қолиш ҳолатлари ҳам бўлди.
Баъзан нафақат уй сотиб олмоқчи бўлган оддий одам, балки катта мулк эгаси ёки сармоядор ҳам ушбу фирибгарлик тузоғига тушиб қолиши ҳеч гап эмас.
House Малл компанияси эса мижоз ёки инвестор ва ёки бошқа компанияга айнан юқоридаги муаммолар юзага келмаслиги учун турли юридик хизматларни тақдим эта бошлаган.
“Компаниямиз 3 та йўналишни ўзига жамлаган. Яъни биз истеъмолчи, инвестор ва қурилиш компаниялари билан ишлаймиз. Истеъмолчи уй сотиб олаётган бўлса, барча ҳужжатларини юридик томонлама текшириб чиқилади ва тўғри танлов учун ёрдам берилади. Инвестор учун эса даромад олиши мумкин бўлган тўғри жойга сармоя киритишига йўл кўрсатамиз. Қурилиш компаниялари билан ҳамкорлик, аввал уларнинг фаолиати юридик жиҳатдан тўғри олиб борилаётгани текширилиб, кейин аҳолини бундан кўпроқ хабардор қилишга қаратилган.
Ҳозирда ўндан ортиқ давлатлар билан ҳамкорлик қиляпмиз. Улар ичида Туркия, Сингапур, Малайзия, Хитой ва Корея компаниялари бор. Инвесторлар бу ерда “Ақлли уйлар”қуриш учун келишяпти. Маҳаллий Инвесторлар учун эса “Миллат умиди” клубини ташкил қилганмиз. Улар учун ҳам тўғри сармоя киритиш, лойиҳани қандай ўсиб бориши, агар мулкни сотмоқчи бўлса харидор топишлари учун хизмат қиляпмиз. Бошқа инвестицион клублардан фарқимиз умумий мижозлар базаси кўплиги ҳисобига бошида сотиб олаётган мулкингиз ўз нархидан 10-15 фоизгача арзонроқ тушади”, — дейди Муҳаммаджон Мадрахимов.
Замонавий урбанизация қандай уйларни тақдим этади?
Авваллари одамлар маиший-ижтимоий эҳтиёжлари яхшироқ қопланиши учун шаҳарда ёки шаҳар марказига яқин жойда яшашни хоҳлашарди. Ҳозирга келиб бозор, иш, соғлик, таълим- тарбия учун керакли барча объектлар шундоққина уйни пасида жойлашиши, табиий ҳолатга айланиб боряпти.
Вилоят ва шаҳар марказларида тобора кўпаяётган кичик шаҳар кўринишидаги уй мажмуалари ёки қурилиш объектлари, одамларга айнан мана шу қадриятни олиб кирмоқда.
Олти йилдан бери айнан мана шу йўналишда фаолият юритаётган Median Development қурилиш компанияси юқорида айтилган уй мажмуаларини қуришда алоҳида томонларга аҳамият беришади. Яъни улар аҳолига комфорт-бизнес статусидаги қурилиш объектларини топширади.
“Бизнинг уйлар асосан ёпиқ ҳудудларда кичик шаҳарча сифатида қурилади. Ҳудуд ичида ўзини хусусий боғча, хусусий мактаб, дорихона ва бошқа қулайликлари бор. Биноларимиз сотуви квадрат метрига 10-15 млн дан бошланади”, — дейди компания директори Ниғмат Аҳмаджонов.
Пойтахтнинг дўрмон тарафларида қурилаётган Амир Темур Residence объекти эса мижозларига тоза ҳаво ва табиат қўйнида бўлган ретро атмосферани тақдим этмоқчи.
Компаниянинг сотув директори Тимур Толипов айтишича, бутун жамоа лойиҳа архитектурасини географик жойлашув бўйича ҳамда шаҳардаги муаммоларни ўрганган ҳолда тузиб чиқишган: “Бунақа лойиҳа ҳали Ўзбекистонда йўқ деса ҳам бўлади. Бу каттагина оила учун ўзини ичида болалар майдончаси, ишлаш ҳудуди, мактаб, кафе тураргоҳлари бўлган шаҳарча”.
Бундан ташқари кўргазмада хориждан келган соҳа етакчиларининг турли маҳорат дарслари ва тақдимотлар ўтказилди.
Яъни CAEx Bizning Uylar халқаро кўргазмасида иштирок этиш маҳаллий компаниялар учун нафақат ўзини кўрсатиш, балки бизнеси ривожланишида тажрибаларни ўрганиш, мижозлар топиш ва ҳамкорларни таклиф қилган имконият бўлди.
Ушбу кўргазма ва унда тақдим этилаётган барча хизматлар ҳамда буюмлар учун чегирмалар 28 апрелда якунланади.
Телефон: (78) 113 3333
Веб-сайт: caexuzbekistan.com
Реклама ҳуқуқи асосида.
Изоҳ (0)