ЛУКОИЛ Uzbekistan Оператинг Company МЧЖ ходимлари ўртасида учинчи марта “Касб бўйича энг моҳир” касб танловини ўтказди.
Бухоро вилоятидаги Қандим газни қайта ишлаш мажмуасида учинчи танловнинг финали бўлиб ўтди.
18 апрель куни “ЛУКОИЛ”нинг Бухоро ва Қашқадарё вилоятларидаги ишлаб чиқариш объектлари негизида саралаш босқичларида ғолиб бўлган Ўзбекистондаги “ЛУКОИЛ” ишлаб чиқариш корхоналари ишчилари Қандимда йиғилди.
Бу гал электр монтёрлари ва газ-электр пайвандчилари ўз касбининг энг моҳир эгаси номи учун баҳслашди.
Танловнинг финали икки қисмдан иборат бўлиб, унда ходимлар ишлаб чиқариш муаммоларини ҳал қилиш учун зарур бўлган назарий ва амалий кўникмаларни намойиш этиш имкониятига эга бўлдилар.
Кескин кураш натижаларига кўра танлов комиссияси томонидан ғолиблар аниқланди.
Электр жиҳозларини таъмирлаш ва техник хизмат кўрсатиш бўйича энг яхши электромонтёрлар – Қандим мажмуаси ходимлари – Сатторов Шарофиддин ва Саидов Акмал, энг яхши электр ва газ пайвандчиси – Хаузак газ ишлаб чиқариш цехида ишловчи Пётр Мухтулов топилди.
Танлов ғолиблари диплом ва қимматбаҳо совғалар билан тақдирланди.
Бироқ танлов нафақат энг профессионал, балки энг меҳрибон иштирокчини ҳам аниқлади. Тақдирлаш маросимининг кутилмаган ва таъсирли лаҳзаси энг яхши электр ва газ пайвандчиси Пётр Мухтуловнинг ўзининг муносиб мукофотини Бухоро меҳрибонлик уйига топшириш истаги бўлиб, у нафақат энг яхши касбий тажрибага эга эканлигини, балки қалби уммон эканини ҳам исботлади.
Ўз касби бўйича энг зўрлар, шунингдек, юқори касбий маҳорати учун иш ҳақи мукофотларига эга бўладилар, бу эса Компаниянинг бошқа ходимларига ўз малакаларини ошириш, касбий маҳоратини юксалтиришга интилиш ва ўз устида ишлаш учун рағбат бўлади.
Бундан ташқари, энг яхши ходимлар яқинда Перм (Россия) шаҳрида бўлиб ўтадиган ЛУКОИЛ Group профессионал маҳорат танловида иштирок этадилар.
“ЛУКОИЛ”даги бундай тадбирлар ходимларнинг касбий маҳоратини доимий равишда ошириш, мусобақа иштирокчиларининг ютуқлари ва илғор тажрибасини тарғиб қилиш ҳамда кадрлар салоҳиятини мустаҳкамлашга қаратилган кадрлар сиёсатининг ажралмас қисми ҳисобланади.
Реклама ҳуқуқи асосида.
Изоҳ (0)