Шу кунларда Ар-Риёдда Ислом тараққиёт банкининг йиллик анъанавий йиғилиши бўлиб ўтмоқда. Тадбирда InfinBANK вакиллари ҳам иштирок этиб, ҳамкорликни янада кенгайтириш ва молияштириш линияларини жалб қилиш бўйича музокаралар ўтказмоқда.
Ислом тараққиёт банки (ИTБ) гуруҳининг хусусий сектор вакиллари, жумладан Ислом инвестициялар ва экспорт кредитларини суғурталаш корпорацияси (ИCИEC), Хусусий секторни ривожлантириш бўйича Ислом корпорацияси (ИCD) ва Халқаро ислом савдо-молия корпорацияси (ITFC) Ислом тараққиёт банкининг юбилейини нишонлаш мақсадида форум ўтказмоқда.
InfinBANK бошқаруви раисининг биринчи ўринбосари Бахтиёржон Жўраев Ислом инвестициялар ва экспорт кредитларини суғурталаш корпорацияси (ИCИEC), Хусусий секторни ривожлантириш бўйича Ислом корпорацияси (ИCD) ва Халқаро ислом савдони молиялаштириш корпорацияси (ITFC) вакиллари билан учрашувлар ўтказди.
Музокаралар вақтида ҳамкорликни мустаҳкамлаш, ўзаро ўсиш ва ривожланишнинг янги йўлларини ўрганишга қаратилган кенг кўламли мавзулар муҳокама қилинди. Шунингдек, ИCИEC билан савдони молиялаштириш соҳасида ҳамкорлик қилиш ва бу йўналишда ҳамкорликни янада ривожлантириш бўйича келишувга эришилди.
“Форумда халқаро компаниялар, молия институтлари, Савдо-саноат палаталари, хўжалик бирлашмалари, инвестисия агентликлари раислари ва раҳбарлари, якка тартибдаги инвесторлар ва тадбиркорлардан иборат 2500 дан ортиқ иштирокчи қатнашмоқда. Бундай тадбирлар B2B ва B2G учрашувларини осонлаштиради, бу эса бизга муҳим алоқаларни ўрнатишимизга ёрдам беради”, — дейди InfinBANK бошқаруви раисининг биринчи ўринбосари Бахтиёржон Жўраев.
Реклама ҳуқуқи асосида.
Изоҳ (0)