ANORBANK Саудия Арабистони пойтахти — Ар-Риёд шаҳрида бўлиб ўтаётган Ислом тараққиёти банкининг йиллик анжуман йиғилиши ҳамда банк фаолиятининг 50 йиллигига бағишланган олтин юбилейида иштирок этмоқда. Мазкур тадбирлар доирасида ANORBANK ҳамда Хусусий секторни ривожлантириш бўйича Ислом корпорацияси (ХСРИК) Ўзбекистонда биринчи Ислом банкини ташкил этиш лойиҳасини ҳамкорликда амалга оширишга келишиб олдилар.
27-30 апрель кунлари Ар-Риёд шаҳрида Саудия Арабистони қироли Салмон бин Абдулазиз ал Сауд ҳомийлигида Ислом тараққиёт банки гуруҳининг (ITБ) йиллик анжуман йиғилиши ва олтин юбилейи бўлиб ўтмоқда.
Тадбирларда халқаро ва минтақавий молия институтлари, Ислом банклари, хусусий сектор компаниялари, нодавлат нотижорат ташкилотлари, Савдо-саноат палаталари ҳамда ишбилармонлар кенгашлари делегатлари қаторида ANORBANK вакиллари ҳам иштирок этмоқда.
Уч кун давомида делегатлар иқтисодий алоқаларни мустаҳкамлаш ва ўзаро ҳамкорликни кенгайтириш йўлларини ўрганмоқда.
ANORBANK Хусусий секторни ривожлантириш бўйича Ислом корпорацияси билан ўзаро англашув меморандумини имзолади, унга кўра банк ва ХСРИК инвестисия имкониятлари ва молиялаштиришни ўрганиш ва аниқлашда яқиндан ҳамкорлик қилишни режалаштирмоқда.
Хусусан, ANORBANK ва ХСРИК Ўзбекистонда биринчи Ислом банкини ташкил этиш лойиҳасини биргаликда ишлаб чиқишга келишиб олдилар. ХСРИК, ANORBANK ва бошқа хорижий компаниялар инвестисия киритиши кутилаётган янги банк Ўзбекистон қонунчилигига мувофиқ ташкил этилади ва мамлакатимиз иқтисодиётига хорижий сармояларни жалб этиш ва халқаро ҳамкорликни ривожлантиришга хизмат қилади.
Маълумот учун: Хусусий секторни ривожлантириш бўйича Ислом корпорацияси (ХСРИК) кўп томонлама ривожланиш молия институти бўлиб, у ўзига аъзо мамлакатларнинг иқтисодий ривожланишини қўллаб-қувватлайди. Жидда шаҳрида жойлашган ушбу корпорация Ислом тараққиёти банки (IDБ) гуруҳининг бир қисми саналади.
Ўз навбатида, ANORBANK биринчи маҳаллий рақамли тижорат банки ҳамда Ўзбекистоннинг энг қиммат брендларидан бири бўлиб, у мижозларга хизмат кўрсатишни ривожлантириш бўйича мунтазам равишда янги лойиҳаларни амалга ошириб келмоқда. Унинг вазифаси вақтни тежайдиган ва мижозлар истакларини ўзида мужассам қилган ишончли маҳсулотларни яратишдир.
ANORBANKнинг замонавий ҳамда фойдали маҳсулотлари ва хизматлари ҳақида банкнинг сайтида, мобил иловада ижтимоий тармоқлардаги саҳифаларида батафсил маълумот тақдим этилган:
- Сайт: www.anorbank.uz
- Telegram: анорбанк
- Instagram: анорбанк
- Facebook:анорбанк
- Алоқа учун: 129
Реклама ҳуқуқи асосида
Изоҳ (0)