Корея Республикаси президенти Пак Кин Хе бош вазир лавозимига ўзи илгари сурган номзодни қайтариб олишга тайёр. Бу ҳақда мамлакат етакчиси Миллий мажлис (парламент) спикери билан учрашув чоғида маълум қилди, деб ёзади «ТАСС».
Пак Кин Хе парламент бош вазир лавозимига бошқа одамни тавсия қилган тақдирда номзодни қайтариб олиши ва унга янги вазирлар маҳкамасини тўлиқ назорат қилишга рухсат беришини айтди, дейилади «Рёнхап» агентлиги хабарида. Президент маъмурияти ушбу ахборотни тасдиқлаганича йўқ.
2 ноябрь куни Пак Кин Хе мамлакат бош вазири лавозимига Хван Гё Ан ўрнига Ким Бён Чжунни илгари сурди. Аммо мухолифат ушбу номзод Миллий мажлис депутатлари билан келишилмаган тарзда илгари сурилгани учун, уни қўллаб-қувватламаслигини маълум қилди.
Изоҳ (0)