Швейцариянинг Мон-Пелерин курорт шаҳарчасида 7 ноябрь, душанба куни БМТ шафелигида Кипрни бирлаштириш бўйича музокаралар бошланди. Бу ҳақда «Корреспондент.net» хабар бермоқда.
Кипр президенти Никос Анастасиадис ва тан олинмаган Шимолий Кипр турк республикаси раҳбари Мустафо Оқинжининг учрашуви чоғида ҳудудий ва бошқа муҳим масалалар муҳокама этилади.
БМТ бош котиби Пан Ги Мун Кипрни бирлаштириш масаласи шу йилнинг ўзида ҳал этилиши мумкинлигини билдирди. Унинг таъкидлашича, ушбу учрашув музокараларнинг охирги босқичига йўл очади. Шу билан бирга, бош котиб ҳали кўплаб ечимини кутаётган ва мураккаб масалалар қолаётганини тан олди.
Маълумот учун, Кипр 1974 йилда, Греция билан бирлашишга уринишларга жавобан оролнинг шимолий қисми турк қўшинлари томонидан ишғол этилганидан сўнг иккига бўлинганди.
Изоҳ (0)