Канада бош вазири Жастин Трюдо мамлакат ҳукумати Тинч, Атлантика ва Шимолий муз океанларини ҳимоя қилиш дастурига 1,1 миллиард доллар инвестиция қилишини билдирди. Бу ҳақда «Корреспондент.net» хабар бермоқда.
«Канада иқтисодиёти, табиати ва тарихи қирғоқ яқинидаги минтақаларимиз билан узвий боғлиқ. Океанларни ҳимоя қилиш режаси мамлакатни денгиз хавфсизлиги масаласида дунёда етакчи ўринга олиб чиқади. Ушбу режа амалга оширилиши туфайли Канаданинг қирғоқ яқинидаги ҳудудлари келажак авлод учун экологик тоза ва хавфсиз бўлиб қолади», — дея таъкидлади бош вазир.
5 йиллик режанинг бажарилиши 2017 йилдан бошланади. Унда, жумладан, маҳаллий экотизимларни тиклаш ва ҳимоя қилиш, ташлаб кетилган ёки чўккан кемалар масаласида чоралар кўриш, нефть сизиши рўй берганда океанлар юзасини тозалаш усулларини ўрганишга инвестиция ажратиш каби йўналишлар кўзда тутилган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)