АҚШ ҳукумати кенг кўламли вайронкор натижаларга олиб келиши мумкин бўлган Ернинг астероид билан тўқнашуви эҳтимолини кўзда тутувчи штаб қўмондонлик машқларини ўтказди. Бу ҳақда «ТАСС» хабар бермоқда.
NASA ва АҚШ фавқулодда вазиятлар агентлиги (FEMA) мазкур машғулотлар ташкилотчиси бўлди. Уларда, шунингдек, Пентагон, миллий лабораториялар ва Калифорния штати расмийлари ҳам иштирок этди. Машқлар айнан мазкур штат ҳудудида, Эль-Сегундо шаҳарчаси бўлиб ўтди.
Олдиндан тайёрланган сценарийга кўра, 2020 йил 20 сентябрда Ер астероид билан тўқнашиши муносабати билан амалга оширилиши зарур ҳаракатлар диққат марказида бўлди. Лос-Анжелес шаҳри ва унинг атрофидаги аҳоли, яъни 13 миллионга яқин кишини оммавий эвакуация қилиш режаси синовдан ўтказилди. Машқларда нафақат тўқнашув оқибатлари модели ўрганилди, балки турли мишмиш ва ҳақиқатга тўғри келмайдиган маълумотларни инкор этиш услублари ҳам кўриб чиқилди.
NASA вакилларига кўра, мазкур машқлар астероид билан тўқнашувлар чоғидаги ҳаракатларга бағишланган ҳисоб бўйича учинчиси бўлди.
Изоҳ (0)