Покистоннинг Хайбар-Пахтунхва вилояти расмийлари 1985 йилда National Geographic журнали муқовасида сурати чиққач машҳур бўлиб кетган Шарбат Гулани Афғонистонга депортация қилмасликка қарор қилди. У 29 октябрда Покистондаги уйида ноқонуний яшаб келгани ва сохта ҳужжатлардан фойдаланишда айбланиб ҳибсга олинганди, деб хабар беради «ТАСС».
Маҳаллий Dawn нашрига кўра, бу ҳақда Гула қўлга олинган Покистондаги вилоят ҳукумати вазири Шавкат Юсуфзай маълум қилди. Унинг айтишича, бундай қарор «гуманитар нуқтаи назардан» келиб чиқиб қабул қилинди ва Афғонистон халқига нисбатан дўстона муносабат ишораси бўлди.
Хайбар-Пахтунхва вилояти ҳукумати Шарбат Гула учун расман қочқин мақоми берилишига эришиш ниятида.
Изоҳ (0)