Болгарияда 6 ноябрь, якшанба куни президентлик сайловлари бўлиб ўтмоқда. Мамлакатда 12 мингдан ортиқ сайлов участкалари очилган бўлиб, уларда 6,8 миллион киши маҳаллий вақт билан 20:00 гача ўзи истаган номзод учун овоз бериши мумкин, деб хабар беради «ТАСС».
Мамлакат президенти умумхалқ овоз бериши билан беш йилга сайланади ва бу лавозимни икки муддатдан ортиқ эгаллаши мумкин эмас. Давлат раҳбари билан биргаликда вице-президент ҳам сайланади.
Биринчи турда сайланиш учун номзод сайловчиларнинг ярмидан ортиқ овозини тўплаши лозим. Агар бундай бўлмаса, бир ҳафталик муддатда иккинчи тур ўтказилади.
Президентлик лавозимига жами 21 киши даъвогарлик қилмоқда. Улар орасида парламент раиси Цецку Цачев, Болгария ҳарбий-ҳаво кучларининг собиқ қўмондони Румен Радев ва Ватанпарварлар фронти етакчиларидан бири Красимир Каракачанов имконияти юқори баҳоланмоқда.
Изоҳ (0)