Тошкентда уйни иситиш масаласида Шавкат Мирзиёевга йўлланган мурожаатни кўриб чиқишда камчиликка йўл қўйган Миробод туман иссиқлик қуввати корхонаси раҳбари ишдан олинди

Тошкент шаҳрининг Миробод туманида истиқомат қилувчи аёл иссиқлик қуввати билан таъминлаш масаласида Ўзбекистон бош вазири Шавкат Мирзиёев виртуал қабулхонасига мурожаат қилган.

Шавкат Мирзиёевнинг Facebook’даги саҳифасида қолдирилган хабарга кўра, ушбу мурожаатни кўриб чиқишда камчиликларга йўл қўйилган (айнан қандай камчиликларга йўл қўйилганига аниқлик киритилмаган).

Шу муносабат билан, Тошкент шаҳрининг Миробод тумани ҳокими Шарофиддин Қодировга ҳайфсан эълон қилинган, «Тошиссиқликқуввати» ишлаб чиқариш бирлашмаси Миробод тумани филиали раҳбари (Муҳаммедов) эгаллаб турган лавозимидан озод этилган.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.