«Ўзбекгеофизика» компаниясининг «Устюрт геофизика экспедицияси» филиали томонидан «Тиллали», «Сайхун», «Ином» ва «Арслон» номли янги газ конлари очилди. Бу ҳақда 1News хабар бермоқда.
Қорақалпоғистон Республикаси Вазирлар Кенгаши матбуот котиби Есимхан Канаатовнинг маълум қилишича, бу газ конларида ҳозирги кунда кунига ўртача 45 минг куб метр газ қазиб олинмоқда.
«Устюрт атрофи ва Орол денгизида геофизика илшларини ўтказишни жадаллаштириш» дастурига мувофиқ, Устюрт платоси, Судочье ва Толдиқ ботиқларида сейсмик-қидирув ишлари олиб борилмоқда.
Канаатовнинг қўшимча қилишича, «Жел», «Ғарбий Орол» конларида ҳам бой газ захиралари топилган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)