Ўзбекистон Республикаси Бош вазирининг виртуал қабулхонасига мурожаатлар сони тобора ортиб бормоқда. Бироқ уларни ҳал этишда жойларда юзакилик, сохталикка ҳам йўл қўйилмоқда. Бу ҳақда Ўзбекистон Президенти вазифасини бажарувчи Шавкат Мирзиёевнинг Facebook’даги расмий саҳифасида хабар қилинди.
Жумладан, Наманган вилоятининг Поп туманида ҳам шундай ҳолат юз берди. Бироқ мазкур кўзбўямачилик жазосиз қолмади. Туман ҳокими Жавлонбек Йўлдошевга электрон қабулхонага келиб тушган мурожаатларни ҳал этиш давомида ҳужжатларни қалбакилаштиришга йўл қўйганлиги учун ҳайфсан эълон қилинди.
Изоҳ (0)