АҚШ қуролли кучлари ўтган якшанба куни Афғонистоннинг Кунар вилоятида «Ал Қоида» етакчиларига қаратилган зарбалар берди. Буни 26 октябрь, чоршанба куни Пентагон матбуот котиби Питер Кук тасдиқлади, дея хабар беради «ТАСС».
Матбуот котиби томонидан тарқатилган баёнотга кўра, Форуқ ал-Катаний ва Билол ал-Утабий бўлиб тургани тахмин қилинган ҳудудлар бомбардимон қилинган.
«Биз ҳозир ҳам мазкур зарбалар натижасини баҳоламоқдамиз. Агар мазкур етакчилар йўқ қилингани тасдиқланса, бу террорчилик гуруҳининг Афғонистонда фаолият кўрсатишига қарши салмоқли зарба бўлади», — дея таъкидлади Питер Кук.
Пентагон вакилининг билдиришича, ал-Катаний «Ал-Қоида»нинг Афғонистон шимоли-шарқидаги амири бўлган, ал-Утабий эса ушбу террорчи гуруҳнинг мамлакатдаги ўчоғини тиклашда фаол иштирок этган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)