AQSh qurolli kuchlari o‘tgan yakshanba kuni Afg‘onistonning Kunar viloyatida “Al Qoida” yetakchilariga qaratilgan zarbalar berdi. Buni 26-oktabr, chorshanba kuni Pentagon matbuot kotibi Piter Kuk tasdiqladi, deya xabar beradi “TASS”.
Matbuot kotibi tomonidan tarqatilgan bayonotga ko‘ra, Foruq al-Kataniy va Bilol al-Utabiy bo‘lib turgani taxmin qilingan hududlar bombardimon qilingan.
“Biz hozir ham mazkur zarbalar natijasini baholamoqdamiz. Agar mazkur yetakchilar yo‘q qilingani tasdiqlansa, bu terrorchilik guruhining Afg‘onistonda faoliyat ko‘rsatishiga qarshi salmoqli zarba bo‘ladi”, — deya ta’kidladi Piter Kuk.
Pentagon vakilining bildirishicha, al-Kataniy “Al-Qoida”ning Afg‘oniston shimoli-sharqidagi amiri bo‘lgan, al-Utabiy esa ushbu terrorchi guruhning mamlakatdagi o‘chog‘ini tiklashda faol ishtirok etgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)