АҚШнинг собиқ президенти Билл Клинтон Clinton Foundation хайрия жамғармаси маблағларини шахсий эҳтиёжлари учун ишлатган. Бу ҳақда WikiLeaks томонидан эълон қилинган ҳужжатларга таяниб, The Washington Post маълум қилди, дея хабар беради «ТАСС».
Нашрга кўра, жамғармада сарфларнинг «Президент ва унинг оиласи харажатлари» (хусусий ташрифлар, меҳмонхоналарда яшаш, дам олиш ва ҳоказо) қисми тузилган. Клинтоннинг маслаҳатчиси Дуглас Бэнд Dow Chemical, Coca-Cola каби йирик компаниялардан маблағ йиғиш ва жумладан, уларни Билл Клинтонга ўтказиб бериш билан шуғулланган Teneo фирмасини тузган.
Teneo шериклари жамғармага 8, Билл Клинтоннинг ўзига эса 3 миллион доллар тўлаган. Фирма мижозларидан бири 2011—2015 йилларда Клинтонга ҳар бир чиқиши учун 2 миллион долларгача, 2013 йилда эса Ҳиллари Клинтонга маърузаси учун 225 минг доллар тўлаб берган.
Газета Билл ва Челси Клинтоннинг вакиллари, уларнинг ўзи каби, юқоридаги маълумотларга изоҳ беришдан бош тортганини таъкидламоқда. Ҳиллари Клинтоннинг сайловолди штаби расмий вакили Глен Кэплин ҳам «Россия ўғирлаган ва WikiLeaks томонидан қурол тарзида фойдаланилган» ҳужжатларга муносабат билдиришни ўзига эп кўрмади.
Изоҳ (0)