Францияликларнинг аксарияти мамлакат полициячиларнинг норозилигини қўллаб-қувватламоқда. «Интерфакс» ахборотига кўра, Франция жамоатчилик фикрини ўрганиш институти томонидан ўтказилган сўров шундай натижа берган.
20—24 октябрь кунлари ўтказилган ва 1000 киши иштирок этган сўровда респондентларнинг 91 фоизи полиция ходимлари ҳақли равишда норозилик билдираётганини таъкидлаган.
Полициячиларни энг кўп ўта ўнг «Миллий фронт» партияси (97 фоиз) ва ўнг кайфиятдаги «Республикачилар» партияси (94 фоиз) тарафдорлари қўллаб-қувватламоқда.
Ўтган ҳафтадан бошлаб Франциянинг қатор шаҳарларида полиция ходимлари норозилик намойишлари ўтказмоқда.
Полициячилар меҳнат шароитлари яхшиланиши, ўз-ўзини мудофаа қилишга доир хизмат қоидалари қайта кўриб чиқилиши ва полиция ходимларига нисбатан безорилик ҳаракатлари учун жазо чораларини кучайтиришни талаб қилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)