Хитой томонидан импорт қилинадиган нефть ҳажми жорий йил 9 ойи давомида 14 фоизга, 283,51 миллион тоннагача кўпайди. Нарх борасида эса 20,7 фоизга, 83,25 миллиард долларгача пасайиш кузатилди. Мамлакат божхонаси материаллари шундан далолат бермоқда, дея хабар беради «ТАСС».
Ҳисобот даврида Хитойга нефть экспорти ҳажми бўйича Саудия Арабистони (38,75 миллион тонна, 11,39 миллиард доллар), даромади жиҳатидан эса Россия (38,09 миллион тонна, 11,68 миллиард доллар) етакчи ўринни эгаллади.
9 ой давомида Хитойга Анголадан 34,39, Уммондан 26,24, Ироқдан 26,51 миллион тонна нефть етказиб берилган.
2016 йилнинг январь—сентябрь ойларида Хитойга етказиладиган нефтнинг ўртача нархи 128,5 долларга пасайиб, тоннаси учун 293,6 долларни ташкил этди. Энг паст қиймат тоннаси учун 216 доллар (Венесуэла), энг юқори нарх эса 353 долларга (Австралия) тенг бўлди.
Изоҳ (0)