Ўзбекистонда бензин нархи ўртача учдан бирига оширилди

Ўзбекистонда 23 октябрдан бензиннинг чакана нархи ўртача учдан бирига оширилди. Бу ҳақда «Газета.uz» хабар бермоқда.

Аи-80 бензини 1 литри нархи 2075 сўмдан 2800 сўмга (34,9%), Аи-91 2280 сўмдан 3000 минг сўмга (31,6%), Аи-95 эса 2505 сўмдан 3300 сўмга (31,7%) кўтарилди.

Бунга қадар бензин нархи охирги бор сезиларли тарзда 2014 йил январида, 20 фоизга оширилганди. Шундан сўнг нархлар 2015 ва 2016 йилларда истеъмол солиғи ўзгариши сабабли бироз (тегишли равишда 25 ва 45 сўм) кўтарилди.

Эслатиб ўтамиз, олдинроқ автобензин нархи Ўзбекистон бўйича бир хил этиб белгилангани маълум қилинганди.