Футбол бўйича 17 ёшгача бўлган қизлар ўртасидаги Жаҳон Чемпионати КХДР термасининг ғалабаси билан якунига етди.
Иордания мезбонлик қилган мундиал финалида КХДР Осиё қитъасининг бошқа бир вакили Япония билан тўқнаш келди. Учрашувнинг асосий ва қўшимча дақиқаларида ҳисоб очилмади. Пенальтилар сериясида эса шимолий кореялик қизлар 5:4 ҳисобида устун келди.
КХДР гуруҳ босқичида Англия, Бразилия ва Нигерияни ортда қолдирган бўлса, кейинроқ Гана ва Венесуэла термаларини мусобақадан чиқариб юборди.
2008 йилдан буён ўтказиб келинадиган ўсмир қизлар ўртасидаги Жаҳон Чемпионатида фақатгина КХДРга икки бор зафар қучиш насиб қилган. 2008 йилги мундиал финалида улар АҚШни мағлуб этганди. Шунингдек, Жанубий Корея, Франция ва Япониянинг ўсмир қизларида ҳам биттадан жаҳон кубоги бор.
Изоҳ (0)