Гонконгдаги сузиш мусобақасида спортчи ҳалок бўлди

Гонконг бандаргоҳида ҳар йили ўтказиладиган 1500 метрга сузиш мусобақаси чоғида спортчи ҳалок бўлди. Бу ҳақда «ТАСС» хабар бермоқда.

40 ёш атрофидаги эркак сувдан чиқариб олинди ва касалхонага етказилди, бироқ уни қутқаришнинг иложи бўлмади. Бу 2011 йилдан бери доимий равишда ўтказиб келинаётган Гонконг мусобақасидаги илк ўлим ҳолати эканлиги билдирилмоқда. Сузишнинг яна бир иштирокчиси —кекса аёл ҳам сувдан ҳушсиз ҳолда чиқариб олинди ва жонлантириш бўлимига ётқизилди.

Маҳаллий ОАВ мусобақада қутқарувчилар сони кам бўлганидан таажжубланмоқда. Сузиш иштирокчилари сони ўтган йилги 500 кишидан 3000 минг кишигача кўпайди. Қутқарувчилар эса ўтган йилгидан атиги 10 кишига кўп —120 нафар бўлган, холос.