Халқаро олимпия қўмитаси ижроия қўмитаси аъзоси, Халқаро енгил атлетика федерацияси вице-президенти ва Украина миллий олимпия қўмитаси раҳбари Сергей Бубка Ўзбекистонга келди. Бубка ва Осиё енгил атлетика ассоциацияси вице-президенти Алексей Кондратни Ўзбекистон Республикаси маданият ва спорт вазирининг биринчи ўринбосари Мурод Алиев ҳамда Миллий олимпия қўмитаси бош котиби Ойбек Қосимов кутиб олди, дея хабар беради «Газета.uz».
Сергей Бубка Миллий олимпия қўмитаси янги биноси, Республика спорт тиббиёти илмий-амалий маркази ва Олимпия шон-шуҳрати музейи билан танишди.
Томонлар спортни ривожлантириш соҳасида тажриба алмашиш, шунингдек, Ўзбекистон ва Украина спорт федерацияларининг спортчилар тайёрлаш ва мураббийлар малакасини ошириш бўйича ўзаро ҳамкорлигини кўзда тутувчи меморандумни имзолади.
Музокаралар чоғида Сергей Бубка ва Алексей Кондрат Ўзбекистонда енгил атлетика бўйича нуфузли мусобақалар ўтказиш имкониятини муҳокама қилди.
Сергей Бубка Ўзбекистон терма жамоасининг XXXI ёзги Олимпия ўйинларидаги муваффақиятли иштироки билан қутлади.
Изоҳ (0)