Black Eyed Peas гуруҳи аъзолари Will.i.am ва Apl.de.ap хонанда Liane V билан ҳамкорликда АҚШ президентлигига номзод Дональд Трампга қарши «GRAB'm by the P*$$Y» номли тарғибот клипини чиқарди. Бу ҳақда TJournal хабар бермоқда.
Клипда президентлик дебатлари мавзулари атрофида баҳс олиб борилади. Трамп сиймосида чиқиш қилган Black Eyed Peas аъзоси Will.i.am Ҳиллари Клинтон ролини ўйнаган Liane V’га қарши курашади. Республикачилардан номзод журналистнинг АҚШ иқтисодиёти ва Суриядаги инқироз ҳақидаги саволларига жавоб бера олмайди.
Клип сўнгида Will.i.am томошабинларга Дональд Трампга овоз бермаслик илтимоси билан мурожаат қилади.
«Агар бу телешоу бўлганида эди, эҳтимол, мен уни томоша қилган бўлардим — бу ҳақиқатан ҳам қизиқ. Агар бу кино бўлганида эди, уни томоша қилиш мен пул ҳам сарфлаган бўлардим. Бироқ бу цирк ёки шоу эмас — бу ҳақиқий муаммоларга тўла ҳақиқий ҳаёт», — деди Will.i.am.
Қўшиқнинг номи Трамп 2005 йили айтган иқтибосга ишора қилади.
The Washington Post газетаси ихтиёрида пайдо бўлган ва шундан сўнг кенг тарқалиб кетган видеода Трамп телебошловчи Билли Бушга номаъқул сўзларни қўллаган ҳолда қандай қилиб эри бор бир аёлнинг бошини айлантирмоқчи бўлгани, бироқ бу уриниши омадсиз тугагани ҳақида сўзлаб берган.
Изоҳ (0)