Украинадаги «Allo» электрон дўкони қора рангли iPhone 7 ларни тарқатиш учун танлов эълон қилди, дея хабар бермоқда «vc.ru».
Хабар беришларича, исмини «Сим», фамилиясини «Айфон» деб ўзгартирганига расмий далил келтирган биринчи беш киши iPhone 7 смартфонини бир гривна эвазига сотиб олиши мумкин бўлади.
17 октябрь куни старт олган танлов биринчи беш киши ўз iPhone’ини қўлга киритгунча давом этади. Танловда фақат Украина фуқаролари қатнашиши мумкин.
Танлов иштирокчиси паспортини кўрсатган ҳолда суратга тушиши, телефон рақамини кўрсатиши ва ҳужжатлари билан дўконга келиши керак.
Ғолиблар номи компания сайтида эълон қилинади. Совғага ваъда қилинган телефоннинг аниқ тавсифи маълум қилинмаяпти.
Изоҳ (0)