Италия ҳукумати 24 август куни мамлакат марказида юз берган зилзиладан сўнг қайта тиклаш ишларига 4,5 миллиард евро ажратмоқчи. Бу ҳақда Вазирлар кенгаши статс-котиби Клаудио Де Винченти эълон қилди, деб ёзади «ТАСС». У 300 миллион еврони зудлик билан ажратишни кўзда тутувчи тасдиқланган фармонни тақдим этди.
«Умуман олганда, хусусий биноларни қайта тиклашга 3,5 миллиард евро ва давлат муассасалари биноларини қайта тиклашга эса 1 миллиард евро ажратиш режалаштирилмоқда», — деди амалдор. Унинг ишонтиришича, ушбу фондлар бюджетда аллақачон назарда тутилган, унга яқин кунларда тузатишлар киритилади.
Аввалроқ Италия марказида 24 август куни рўй бериб, 300 га яқин одамнинг ҳалокатига сабаб бўлган зилзила оқибатида кўрилган зарар 4 миллиард еврога баҳоланган эди.
Изоҳ (0)