Эстония парламентида 10 октябрь, душанба куни мамлакат тарихидаги биринчи аёл президент — Керсти Кальюлайд тантанали тарзда қасамёд қабул қилди, деб ёзади «Интерфакс». Қасамёддан кейин у давлат раҳбари лавозимига расман киришган ҳисобланади.
Давлат раҳбарлигини тарк этаётган Тоомас Хендрик Ильвес Кальюлайдга президентлик рамзлари — олтин юлдузли кўкрак занжирини топширди.
Кальюлайд 3 октябрь куни парламент депутатлари томонидан президент этиб сайланди. Унга 101 депутатдан 81 нафари овоз берди. Сайланиш учун депутатлар корпуси таркибининг камида 2/3 қисми ёки 68 кишининг овозини тўплаш керак.
Изоҳ (0)