Гаитида «Мэттью» довулидан сўнг санитария-эпидемиология вазияти кескин ёмонлашди. Бу ҳақда Россия истеъмолчилар ҳуқуқлари ҳимояси ва инсон фаровонлиги соҳасида назорат федерал хизмати («Роспотребнадзор») маълум қилди, дея хабар беради «ТАСС».
«2016 йили сентябрь ўрталаригача Гаитида вабо билан боғлиқ 28559, ҳафтасига ўртача 770 ҳолат қайд этилганди. ‘Мэттью’ довули ёпирилганидан кейин 14 муниципал тузилмада инфекция тарқалгани ҳақида маълумот олинди. ОАВларга кўра, мамлакатда табиий офатдан сўнг вабо туфайли ҳалок бўлганлар сони 17 кишига етди», — дейилади муассаса матбуот хизмати хабарида.
Ҳозирда халқаро ташкилотлар Жаҳон соғлиқни сақлаш ташкилоти бошчилигида мамлакат аҳолисига гуманитар ёрдам кўрсатиш кўламини кенгайтирмоқда. Хорижий мутахассислар оқинди сувларнинг ичимлик суви таъминоти учун ишлатиладиган манбаларга тушиши вазиятни янада чигаллаштириши мумкинлиги ҳақида огоҳлантирмоқда.
Изоҳ (0)