БМТ бош котиби Пан Ги Мун Сурия президенти Башар Асаднинг хатолари туфайли 300 мингдан ортиқ киши ҳалок бўлганини маълум қилди, деб ёзади «Интерфакс».
«У ўзини етакчи сифатида намоён эта олмагани сабабли, шунчалик кўп кишилар ҳалок бўлгани рост. 300 мингдан зиёд киши нобуд бўлди», — деди бош котиб Германия телерадиокомпанияси саволига жавоб берар экан.
Шу билан бирга, бош котиб АҚШ давлат котиби Жон Керри ва Россияни «ҳаёт учун зарур гуманитар ёрдамни етказиш мумкин бўлиши учун, Сурияда ўт очишни тўхтатиш режимини қайта тиклаш»га чақирди.
«Биз қамал қилинган ёки олис туманлардаги камида 5 миллион киши учун ёрдам етказиб беришимиз керак», — дея аниқлик киритди у.
Алепподаги вазият ҳақида гапирар экан, Пан Ги Мун БМТ ушбу муаммони ҳал этишга аввалроқ киришиши керак бўлганини тан олди. Шу билан бирга, у Суриядаги ярашув режими барбод бўлгани юзасидан айбни ҳеч кимнинг бўйнига қўйиб ўтирмади.
Изоҳ (0)