Россия Фанлар академиясининг амалий астрономия институти мутахассислари Қримнинг тектоник ҳаракати (ярим орол жойлашган плитанинг ҳаракати) қитъадаги Россияга йўналганини аниқлади, деб ёзади «РБК» институт директори Александр Ипатовга таяниб.
Унинг таъкидлашича, «бу баёнот ҳазилга ўхшаса-да, аслида жиддий тадқиқот натижаси ҳисобланади».
Қримдаги Симеиз аҳоли пунктига ўрнатилган ускуна ярим оролнинг йилига 2,9 мм тезликда шимоли-шарққа қараб силжиётганини қайд этган. Қитъадаги Россия ва Қрим ўртасидаги масофа Керч бўғози бўйича 4,6 километрни ташкил этади. Шундан келиб чиқиб, ушбу тезлик сақланиб қолган тақдирда, тектоник плиталар 15,8 миллион йилдан кейин бирлашади.
Изоҳ (0)