КХДР ўсмирларининг ғалабасидан кейин Ўзбекистоннинг чорак финал масаласи тўла ҳал этилди

Ўзбекистон ўсмирлар терма жамоаси иштирок этаётган футбол бўйича Осиё Чемпионатида 2-тур учрашувларига тўлиқ якун ясалди.

«D» гуруҳининг биринчи турида Таиландни 5:3 ҳисобида мағлуб этган Ўзбекистон термаси, 2-турда Яман устидан 1:0 ҳисобида зафар қучганди.

Гуруҳдаги иккинчи учрашувда КХДР Таиландни йирик ҳисобда маҳф этди — 4:1. Мазкур ғалаба Шимолий Корея термасини тўплар нисбатига кўра гуруҳ пешқадамига айлантирди, шунингдек, 3-тур ўйинлари бошланмай туриб КХДР ва Ўзбекистон термаларини чорак финал иштирокчисига айлантирди.

Бунга қадар фақатгина Япония ўсмирлар терма жамоаси 2-турдан кейин чорак финал масаласини тўла ҳал этиб қўйганди.

23 сентябрь куни Темур Олимхўжаев бошчилик қилаётган Ўзбекистон ўсмирлар терма жамоаси гуруҳ пешқадамлиги учун КХДРга қарши кураш олиб боради. Эҳтимолий дуранг натижа кореяликларга 1-ўринни кафолатлайди.

Чорак финалда Ўзбекистон жой олган гуруҳнинг йўли «C» зонаси вакиллари билан келишади. 2-турдан кейин «C» гуруҳидаги ҳолат билан қуйидаги расм орқали танишиш мумкин.