Бразилия прокуратураси мамлакат собиқ президенти Луис Игнасио Лула да Силвага Petrobras давлат нефть компаниясидаги коррупция ҳақидаги иш бўйича айблов эълон қилди, деб ёзади «РБК». Айбловлар унинг рафиқасига нисбатан ҳам илгари сурилган.
Яқин соатлар ичида прокуратура ушбу иш тафсилотларини махсус матбуот анжуманида тақдим этади.
Petrobras компаниясидаги коррупция ҳақидаги ишни 2014 йилда тергов қилишни бошлашган. Бундан аввал, 2013 йилда Petrobras’нинг қайта ишлаш ва сотиш бўйича бўлинмаси директори Пауло Роберто Кошта ва унинг шериги Альберто Юссеф ҳибсга олинган эди. Юссеф валюта айирбошлаш бўйича конторани бошқарган ва маблағларни ювишни ташкиллаштиришда гумонланган. Тергов билан битимга келиб, Кошта Petrobras’даги коррупция схемалари ҳақида гапириб берди.
Шу йилнинг март ойида Лула да Силва ушбу ишни тергов қилиш доирасида сўроқ қилинди.
Изоҳ (0)