Германияда қўлга олинган сурияликлар Париж терактлари ташкилотчиларига алоқадорлиги билдирилди

Германияда махсус операция давомида қўлга олинган Суриянинг уч фуқароси Париж терактлари ташкилотчиларига алоқадор бўлиши мумкин, дея хабар бермоқда «Интерфакс».

Германия ички ишлар вазири Томас де Мезьернинг таъкидлашича, «уларнинг Париждаги терактлар учун жавобгарларга алоқаси бор».

Немис полицияси Қуйи Саксония ва Шлезвиг-Гольштейн федерал ерларида ўтказилган махсус операциялар давомида ИШИДга мансублиги тахмин қилинаётган уч нафар қочоқни қўлга олган эди.

Уларнинг ортидан бир неча ой давомида кузатув олиб борилган, шунингдек, гумонланувчиларнинг телефон суҳбатларини эшитиб борувчи махсус гуруҳ тузилган эди.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.