Ҳайит муносабати билан Ўзбекистон раҳбариятига ва халқига қутловлар келмоқда

Қурбон ҳайити муносабати билан Ўзбекистон раҳбарияти ва халқига хорижий мамлакатлар раҳбарлари номидан самимий қутловлар келмоқда. Уларда Ўзбекистон халқига тинчлик-хотиржамлик, равнақ ва фаровонлик тилаб, эзгу истаклар билдирилган, деб хабар беради ЎзА.

Жумладан, Икки муқаддас масжид ходими, Саудия Арабистони Подшоҳи — Салмон бин Абдулазиз Ол Сауд, Саудия Арабистони Подшоҳлиги Валиаҳди, Вазирлар Маҳкамаси раисининг ўринбосари, ички ишлар вазири — Муҳаммад бин Нойиф бин Абдулазиз Ол Сауд, Саудия Арабистони Подшоҳлиги Валиаҳди ўринбосари, Вазирлар Маҳкамаси раисининг иккинчи ўринбосари, мудофаа вазири — Муҳаммад бин Салмон бин Абдулазиз Ол Сауд, Уммон Султони — Қобус бин Саид, Кувайт Давлати Амири — Шайх Сабоҳ ал-Аҳмад ал-Жобир ас-Сабоҳ, Бирлашган Араб Амирликлари Президенти — Шайх Халифа бин Зоид Ол Наҳаён, Бирлашган Араб Амирликлари Вице-президенти, Бош вазири, Дубай Амирлиги ҳокими — Шайх Муҳаммад бин Рошид Ол Мактум, Бирлашган Араб Амирликлари Бош қўмондони ўринбосари, Абу Даби Амирлиги валиаҳди — Шайх Муҳаммад бин Зоид Ол Наҳаён, Бирлашган Араб Амирликлари Бош вазири ўринбосари, ички ишлар вазири — Шайх Сайф бин Зоид Ол Наҳаён, Миср Араб Республикаси Президенти — Абдулфаттоҳ Саид Ҳусайн ас-Сиси, Тунис Республикаси Президенти — Муҳаммад ал-Божий Қоид ас-Сибсий, Туркия Республикаси Президенти — Ражаб Тоййиб Эрдўғон, Қозоғистон Республикаси Президенти — Нурсултон Назарбоев, Тожикистон Республикаси Президенти — Эмомали Раҳмон, Қирғизистон Республикаси Президенти — Алмазбек Атамбаев, Бангладеш Халқ Республикаси Президенти — Абдул Ҳамид, Бангладеш Халқ Республикаси Бош вазири — Шайх Ҳасина Вазед, Афғонистон Ислом Республикаси ҳукумати Ижроия кенгаши раиси — Абдулла Абдулла, Афғонистон Ислом Республикаси Президентининг биринчи ўринбосари, армия генерали — Абдул Рашид Дўстум ўз табрикларини йўллади.

Қутловлар келиши давом этмоқда.