Qurbon hayiti munosabati bilan O‘zbekiston rahbariyati va xalqiga xorijiy mamlakatlar rahbarlari nomidan samimiy qutlovlar kelmoqda. Ularda O‘zbekiston xalqiga tinchlik-xotirjamlik, ravnaq va farovonlik tilab, ezgu istaklar bildirilgan, deb xabar beradi O‘zA.
Jumladan, Ikki muqaddas masjid xodimi, Saudiya Arabistoni Podshohi — Salmon bin Abdulaziz Ol Saud, Saudiya Arabistoni Podshohligi Valiahdi, Vazirlar Mahkamasi raisining o‘rinbosari, ichki ishlar vaziri — Muhammad bin Noyif bin Abdulaziz Ol Saud, Saudiya Arabistoni Podshohligi Valiahdi o‘rinbosari, Vazirlar Mahkamasi raisining ikkinchi o‘rinbosari, mudofaa vaziri — Muhammad bin Salmon bin Abdulaziz Ol Saud, Ummon Sultoni — Qobus bin Said, Kuvayt Davlati Amiri — Shayx Saboh al-Ahmad al-Jobir as-Saboh, Birlashgan Arab Amirliklari Prezidenti — Shayx Xalifa bin Zoid Ol Nahayon, Birlashgan Arab Amirliklari Vitse-prezidenti, Bosh vaziri, Dubay Amirligi hokimi — Shayx Muhammad bin Roshid Ol Maktum, Birlashgan Arab Amirliklari Bosh qo‘mondoni o‘rinbosari, Abu Dabi Amirligi valiahdi — Shayx Muhammad bin Zoid Ol Nahayon, Birlashgan Arab Amirliklari Bosh vaziri o‘rinbosari, ichki ishlar vaziri — Shayx Sayf bin Zoid Ol Nahayon, Misr Arab Respublikasi Prezidenti — Abdulfattoh Said Husayn as-Sisi, Tunis Respublikasi Prezidenti — Muhammad al-Bojiy Qoid as-Sibsiy, Turkiya Respublikasi Prezidenti — Rajab Toyyib Erdo‘g‘on, Qozog‘iston Respublikasi Prezidenti — Nursulton Nazarboyev, Tojikiston Respublikasi Prezidenti — Emomali Rahmon, Qirg‘iziston Respublikasi Prezidenti — Almazbek Atambayev, Bangladesh Xalq Respublikasi Prezidenti — Abdul Hamid, Bangladesh Xalq Respublikasi Bosh vaziri — Shayx Hasina Vazed, Afg‘oniston Islom Respublikasi hukumati Ijroiya kengashi raisi — Abdulla Abdulla, Afg‘oniston Islom Respublikasi Prezidentining birinchi o‘rinbosari, armiya generali — Abdul Rashid Do‘stum o‘z tabriklarini yo‘lladi.
Qutlovlar kelishi davom etmoqda.
Izoh (0)