Ҳиндистоннинг Нью-Деҳли шаҳрида АҚШ давлат котиби Жон Керри тўхтаган Leela Palace меҳмонхонасида пичоқ билан қуролланган руҳий хаста маҳаллий фуқаро жанжалдан сўнг қўлга олинди. Бу ҳақда Нью-Деҳли полицияси маълум қилди, деб хабар бермоқда «ТАСС».
Ҳуқуқ-тартибот ходимларининг маълум қилишича, Ҳиндистон шимолидаги Харьяна штатининг 53 ёшли фуқароси Удай Рада 31 август кечки пайт, адекват бўлмаган хатти-ҳаракатлари учун беш юлдузли меҳмонхонанинг хавфсизлик хизмати ва полиция ходимлари томонидан бинодан чиқариб юборилиши вақтида жанжал қилганида ҳибсга олинди.
Тинтув вақтида қўлга олинган фуқарода пичоқ аниқланди, аммо сўроқ қилиш давомида у пичоқни шахсий хавфсизлиги нуқтаи назаридан олиб юришини ҳамда меҳмонхонада АҚШ давлат котиби тўхтаганидан хабари йўқ эканини айтди.
Тартиббузарга нисбатан «Ўз вазифасини бажариш чоғида давлат хизматчисига ҳужум қилиш» ҳамда «Қурол билан таҳдид қилиш» моддалари бўйича жиноий иш қўзғатилди.
Ҳиндистон ТИВнинг маълум қилишича, АҚШ давлат котиби Жон Керри Ҳиндистоннинг чоршанба куни тарк этиши керак эди, аммо у Нью-Деҳлида жума ёки шанба кунигача қолишга қарор қилганди. Шундан сўнг у Хитойнинг Ханчжоу шаҳрига, G20 саммитига йўл олиши керак.
Изоҳ (0)