Швеция суди швециялик Усама Краемни 2015 йилда иорданиялик учувчи Муат ал-Касеасбехнинг қатл этилишида иштирок этгани учун умрбод қамоқ жазосига ҳукм этди. Бу ҳақда SVT хабар бермоқда.
Маълум қилишича, 2014 йил декабрида Суриянинг Раққа шаҳри яқинида Ф-16 қирувчи самолётининг қулатилиши билан боғлиқ терактни ўша пайтда ҳудудни назорат қилган “Исломий давлат” террорчилик гуруҳи ўз зиммасига олган.
Ўшанда 26 ёшли учувчи, Иордания ҳарбий-ҳаво кучлари катта лейтенанти асирга олинган. 2015 йил бошида жангарилар уни қафасга қамаб, тириклайин ёқиб юборган.
Тергов маълумотларига кўра, 32 ёшли Краем 2014 йилнинг сентябрида ИШИД сафида жанг қилиш учун Сурияга келган. У учувчини қатл этишда иштирок этган қуролланган ва ниқобланган жангарилардан бири сифатида аниқланган.
2025 йилнинг май ойида Краемга оғир ҳарбий жиноятлар ва террорчилик ҳаракатларини содир этганлик айблови қўйилган. Илгари у Париж ва Брюсселдаги терактларда иштирок этгани учун Франция ва Бельгияда ҳам ҳукм қилинган эди.
Суд уни айбдор деб топиб, Швецияда мумкин бўлган энг оғир жазо — умрбод қамоқ жазосини тайинлаган.
Изоҳ (0)