Португалия собиқ бош вазири Антониу Гутерриш Хавфсизлик кенгашида бўлиб ўтган иккинчи дастлабки овоз бериш натижаларига кўра БМТ бош котиблигига номзодлар орасида етакчиликни сақлаб қолди. Бу ҳақда «ТАСС» хабар бермоқда.
«У бу гал ҳам овоз беришда ғолиб чиқди, бироқ бу сафар унга қарши овоз берган давлатлар бор», — дея таъкидлаган халқаро ташкилотдаги манба.
Охирги маълумотларга кўра, 2015 йилга қадар БМТ қочоқлар иши бўйича олий комиссари бўлиб ишлаган Гутерриш 11 овоз тўплаган, икки делегация унга қарши чиққан, яна иккиси эса овоз беришдан тийилган. Илк овоз бериш якунларида бўлгани каби, Словениянинг собиқ президенти Данило Тюрк иккинчи ўринда қайд этилди. Аргентина ташқи ишлар вазири Сусана Малькорра эса учинчи ўринни эгаллади.
Изоҳ (0)