Зика вируси билан касалланган канадалик аёл саломатлиги шифокорларда хавф туғдирмаётган чақалоқни дунёга келтирди. Бу ҳақда 5 август, жума куни мамлакат соғлиқни сақлаш вазирлиги вакили Грегори Тэйлор маълум қилди, дея хабар беради «ТАСС».
«Ҳомиладорлик пайти болада мазкур вирус бош ва орқа мия атрофидаги суюқликда кузатилганди. Бироқ энди ҳаммаси жойида, рисоладагидек. Чақалоқ шифокорларнинг жиддий кузатуви остида», — дея маълум қилди Тэйлор. У бола жинси, қаерда ва қачон туғилганига аниқлик киритмади.
Боланинг онаси ҳомиладорликнинг эрта босқичида мамлакатдан ташқарида бўлгани билдирилмоқда. Вазирлик маълумотларига кўра, ҳозирда 187 нафар канадаликда Зика вируси аниқланган бўлиб, улардан 7 нафари ҳомиладор аёл.
Изоҳ (0)